Taipei Tour - Day 1.1

飢饉三十．．．禁食了３０小時．．．作晚執行李時飢寒交迫，又怕唔知醒，所以冇訓．．．朝早八點去到機場，開始有點手腳和口舌都不協調了．．．第一次覺得個飛機餐咁好食！

菲律賓的朋友始終來不及辦簽證，本來訂了今早的機票最後都取消了．．．希望他們今日內能搞掂所有簽證和機票（神啊，求祢給我們一個神蹟！！！），星期六在All The Way Live見到佢地啦！

落機，唱台幣，落地簽證，出境，搭巴士去西門町．．．架巴士超舒服，三個訓到唔知醒落車（係咪好威呢？！）！！！在小巨蛋附近落車（全車得番我地三個），拖住大小行李，仲有閒情逸緻响小巨蛋前面影相（登台咩？！）再轉巴士去榮光小組教會．．．好有家的感覺！我們回來了！

大件細件, 迷失於台北小巨蛋

Fannie帶我們去食麵，麵店是教會姊妹的媽媽開的．．．麻辣海鮮麵，泡菜豬肉麵，台灣牛肉麵，好味！

台灣今天１８度，唔凍唔熱啱啱好！感謝主！其實搭華航可以安全著陸都是要超感謝主的！

繼續禁食咖啡，奶茶（去到台灣居然唔可以飲珍珠奶茶）和我最愛的朱古力，直至在台灣見到Team Vibe．．．對我來說即係冇野好飲．．．誰不知俾我地發現倒教會附近有間賣杏仁豆腐和杏仁汁的鋪頭，簡直係極品！好食到暈咗 (Monique應該會超鍾意，好飲過熱杏霜十萬倍！）

于記杏仁豆腐 ... 讚

教會有cyber corner，有舞蹈室，有大沙發，真係五星級的家！現在O2&Angel都睡了．．．我都想睡一會兒．．．教會的電腦block咗facebook，唯有在xanga繼續為大家直擊報道啦！

請繼續為Team Vibe禱告，聽日仲要還二萬蚊．．．點算點算點算？？？

未出發先升呢

要出發去機場了 ... 成晚執行李, 冇訓過 ...

Just keep my bluetooth switched on for God ... no plan, can't plan ... God, please show us your heart.

We're here, please send us.

自以為見慣"風浪"的我, 未出發, 已經好多意想不到的"得著"和"驚喜" ...

今次真係完全豁出去 ...

冇錢不是最大問題,

原來可以用錢解決的問題根本唔係問題,

有D問題係用錢都解決唔倒的 ...

例如 ... 出發前一日先發現passport過咗期 ...

主啊, 點算? 救命呀 >< 實在太刺激了!!!

Team Vibe x ToolBox @ Taipei 台北站

 Team Vibe @ Philippines

ToolBox @ Hong Kong

11/22 (Sun) 9am / 11am @ Glory Cell Church, Taipei 台北榮光小組教會 (http://www.glow.org.tw/)

11/22 (Sun) 1:30pm VIP Party @ Hsientien Church, Taipei 台北新店行道會 (www.swng.net)

堅到可以拍齣戲!

率百古惑仔
江湖大佬　投奔教會

【本報訊】莫樹堅，牧師一名，樣子老實舉止斯文，誤打誤撞開拓黑社會傳福音事業，江湖大佬、細佬、惹火囡囡一大堆，都心甘情願放下一切聽他講耶穌，甚至驚動警方派卧底一起聽道理，這位堅哥到底有多「堅」？ . . . 莫樹堅成了 14K鬍鬚勇壽宴座上客，婚禮喪禮，他都乘機踢人入教會。犯法、改過、再犯法、再改過，莫樹堅還是默默工作，因為他相信，天主使太陽上升，光照善人，也光照惡人。  (全文)

 

第一次警告!

以他對界女的那份無比的熱誠和專注, 竭而不捨的堅決, 冒著嘈人唾棄的勇氣, 熟練的技巧和策略, 準, 狠, 快, 如此這般盡心盡意盡力, 如果用在傳福音上, 他日必定可以成為中國布永康!!! 福音一定以極速傳遍整個中國直捲耶路撒冷!!! 2012大家都可以收工返天家享福了!

人生在世能夠認識如此勁人, 真係聞所未聞, 三生有幸!

如果有人再敢話佢貌似某靚仔歌星, 我唔會同佢客氣!!!

如果阿勁人你再唔收手, 繼續披住羊皮在教會為禍眾姊妹, 我不排除會將行動升級! 既然你乜都唔怕, 唔怕羞唔怕朵臭唔怕冇晒朋友, 連教會牧者領袖都勸你唔聽話你唔理 ... 我都唔會卸你!

如果你覺得我係話緊你, 就係你! 如果你覺得我話錯你, 請隨時聯絡我, 電話 / 電郵 / SMS / MSN / Facebook都OK!